Sottar qaıyrymdylyq sharalaryn ótkizýde
KÓKShETAÝ. QazAqparat - QR Táýelsizdiginiń 25 jyldyǵyna oraı Aqmola oblysynyń sottary «Táýelsizdiktiń 25 jyldyǵyna - 25 ıgi ister» uranymen qaıyrymdylyq sharalaryn ótkizýde, dep habarlaıdy "QazAqparat" HAA tilshisi oblystyq sottyń baspasóz qyzmetine silteme jasap.
Mereke qarsańynda Aqmola oblysynyń aýdandyq jáne olarǵa teńestirilgen sottardyń tóraǵalary balalar úıin, kóp balaly jáne az qamtylǵan januıalardy, qıyn jaǵdaıdaǵy otbasylarynyń balalaryn, emdelýge muqtaj balalardy, jan-uıalardaǵy tárbıelenip jatqan múmkindigi shekteýli balalardy, kómekke muqtaj az qamtylǵan zeınetkerler men qart adamdardy kele jatqan merekemen quttyqtady.
Sottar ujymy kómek pen qoldaýdy muqtaj etetin 25 bala men januıalardy qamqorlyqtaryna aldy.
"Sýdıalar mereke qarsańynda árbir balaǵa, árbir januıaǵa jáne qart adamdarǵa emdelýge materıaldyq kómek, azyq-túlik jáne jyly kıimmen, qysqa kómirmen qamtamasyz etti, páterdi jınaý men aýlalardy qardan tazalaýǵa kómektesip, balalar úıinde merekelik kontserttik baǵdarlamalar uıymdastyryp, syılyqtar men oıynshyqtar syılaý sııaqty kómek kórsetti.
Balalardyń qýanyshy, kári adamdar men kóp balaly ata-analardyń alǵysy men jaqsylyqqa degen senimi - ıgi ister isteýge turarlyq dúnıe", dep kórsetilgen habarlamada.
Oblys sottary qaıyrymdylyq sharasyn jalǵastyrýda.
