Sottalýshynyń týystary telefon men esirtkini túrmege qalaı kirgizbek boldy
NUR-SULTAN. QazAqparat - Túrkistan oblysyndaǵy qaýipsizdigi joǵary túzeý mekemesiniń tekserip-qaraý bólmesinde túrmege uıaly telefon men esirtki alyp ótpek bolǵan adam ustaldy, dep habarlaıdy QazAqparat tilshisi.
«Baýyryna «kómek» kórsetpek bolǵan Shymkent qalasy turǵynynyń ózi de qylmystyq istiń fıgýrantyna aınalýy múmkin. Mekeme qyzmetkerleri ony tekserip, qaraý barysynda uıaly qurylǵy, qulaqqap, flesh pen SIM-karta, sonymen qatar ózindik ısi bar jasyl tústi belgisiz zat oralǵan qaǵaz túıinshegin taýyp aldy. Er adam olardy aıaq kıiminiń ishine tyǵyp ótpek bolǵan», - deıdi Qylmystyq atqarý júıesi komıteti tóraǵasynyń orynbasary Teńizjan Jánibekov.
Onyń aıtýynsha, ishinde beımálim zaty bar qaǵaz túıinshek saraptamaǵa jiberilgen. Saraptama tárkilengen zattyń salmaǵy 3 grammnan asatyn keptirilgen marıhýana ekenin kórsetti.
QR ІІM Qylmystyq atqarý júıesi komıteti taratqan kelesi oqıǵa Qaraǵandy oblysyndaǵy mekemede tirkelgen. Mekemege kelgen sálemdemelerdi tekserý barysynda olardyń birinen shamamen 4 gramm esirtki tabylǵan. Esirtki «Colgate» tis pastasynyń qutysyna jasyrylǵan.
