Sottalýshynyń saqaly sot protsesin keıinge qaldyrdy
Astana. 17 tamyz. QazAqparat - AQSh-ta burynǵy áskerı psıhıatrdyń ústinen júrip jatqan sot onyń saqalyna baılanysty keıinge qaldyryldy.
Quqyq qorǵaýshylar kúdiktini 13 adamdy óltirdi dep aıyptaýda. Bul týraly BAQ.KZ habarlaıdy.
Nıdal Hasannyń qorǵaýshysy aıyptalýshynyń saqaly ol ustanatyn ıslam dininiń sımvoly ekenin aıtyp otyr. Alaıda, ásker tártibi boıynsha saqal qoıýǵa tıym salynǵan. Al sot ókilderiniń pikirinshe, kúdiktiniń saqaly kýágerlerdiń ony tanýyna kedergi keltiredi eken.
41 jastaǵy maıor Hasanǵa 2009 jyly Tehas shtatyndaǵy Fort-Hýde áskerı bazasynda 13 jaýyngerdi atyp óltirdi degen aıyp taǵylǵandyǵyn aıta keteıik. Bul AQSh-tyń áskerindegi eń qandy oqıǵalardyń biri. Eger Hasan óz kinásin moıyndasa ol ólim jazasyna kesiletin bolady.
Kúdiktiniń ústinen júrip jatqan sot protsesi osymen birneshe ret keıinge qaldyryldy. Hasan sotqa maýsym aıynan bastap saqal qoıyp kele bastaǵan edi. Osy aptanyń sársenbisinde aıyptalýshy óziniń kináli, ne kináli emestigin málimdep, sot aldynda jaýap berýi tıis bolatyn. Al, dúısenide áskerı trıbýnaldyń otyrysy bastalýy kerek edi. Alaıda, qazir barlyq sot jumystary toqtap, áskerı apellıatsııalyq sot onyń saqalyna baılanysty máseleni qarap jatyr.
Maıordyń qorǵaýshysynyń aıtýynsha, Nıdal Hasan búginde óziniń óletinin aldyn ala sezip, «o dúnıege» saqalsyz attanbaýǵa bel baılapty. Onyń saqalyn kúshpen qyryp tastaý quqyǵyn buzý bolap tabylady deıdi qorǵaýshy.
Aıta keteıik, Hasan Fort-Hýdtaǵy oqıǵa kezinde polıtseılermen atysyp, jaralanǵan bolatyn. Saldarynan kúdiktiniń eki aıaǵy birdeı jumys istemeı qalyp, ol múgedek bolyp qalǵan. Qazir ol abaqtynyń aýrýhanasynda jatyr.
