Sottalýshynyń azamattyǵynan aıyrylýy onyń týǵan-týystaryna zardap tıgizbeıdi

ASTANA. QazAqparat - Búgin QR Parlamenti Májilisiniń jumys toby otyrysynda «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasy Konstıtýtsııasynyń normalaryna sáıkes keltirý máseleleri boıynsha ózgerister men tolyqtyrýlar engizý týraly» QR zańynyń jobasy talqylandy, dep habarlaıdy QazAqparat.

Talqylaý aıasynda BAQ ókilderine suhbat bergen Májilis depýtaty Mansurhan Mahambetovtiń aıtýynsha, bul zań jobasy qoldanys aıasyndaǵy 7 Kodekske jáne 46 Zańǵa ózgerister men tolyqtyrýlar engizýdi qarastyrady.

«Zań jobasynda asa aýyr qylmys jasaǵandarǵa jazanyń bir túri retinde -olardy azamattyǵynan aıyrý qarastyrylýda. Mundaı jaza birneshe bapta kózdelgen. Olardyń barlyǵy da aýyr qylmystarǵa qatysty.  ıAǵnı, memlekettiń turaqtylyǵy men qaýipsizdigine qarsy baǵyttalǵan ekstremızm, terrorızm syndy aýyr qylmystarǵa qoldanylady. Bul jazany sottalýshyǵa  qoldaný  máselesin sot sheshedi. Sottalýshyny azamattyǵynan aıyrý nemese basqa jaza taǵaıyndaý sottyń ókilettigine jatady», - dedi depýtat.

Mahambetovtiń aıtýynsha, eger sottalýshy azamattyǵynan aıyrylatyn bolsa onda memleket pen onyń arasyndaǵy saıası-quqyqtyq baılanys qysqarady. Demek ol Qazaqstandaǵy quqyqtyq, áleýmettik jáne basqa da múmkinshilikterinen aırylady.

«Bul rette aıta keterligi, sottalýshynyń azamattyǵynan aıyrylýy onyń  týǵan-týystaryna, ıaǵnı balalaryna, áke-sheshesine memleket tarabynan ne bolmasa isti qaraǵan sot tarabynan zardaby bolmaıdy», - dedi Mahambetov.