Sottalýshylarǵa arnalǵan elektrondy bilezik Qazaqstanǵa 70 mlrd. teńgege túspek
ASTANA. QazAqparat - 2018 jyly sottalýshylarǵa arnalǵan elektrondy bilezik júıesi engizilmek. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Ishki ister mınıstri Qalmuhanbet Qasymov málim etti.
"Elektrondy júıe tek bilezikti kıgizip qoıyp, qadaǵalap otyrý emes. Bilezik - ol nátıje. Aldymen barlyq 270 aýdan bólimshelerine arnaıy ekrandar qoıyp, olardy baǵdarlamamen qamtamasyz etýimiz kerek. Sol kezde biz baqylaýda turǵan azamatty qadaǵalap otyra alamyz. Túrli formalar bar: bireýge úıden shyǵýǵa tyıym salynǵan, ekinshisine qaladan shyǵýǵa, úshinshisine qoǵamdyq oryndarda kórinýge bolmaıdy. Birinshi jyly baǵdarlamalyq qamtamasyz etýdi qurastyramyz. Qazir ol boıynsha jumys jasalýda. Ol bekitilgennen soń, biz 2017 jyly baǵdarlamalyq júıeni jasaımyz. 2018 jyly sottalýshylarǵa taǵylatyn bilezikterdi satyp ala bastaımyz", - dedi ol.
Mınıstrdiń málim etýinshe, elektrondy baqylaý júıelerine qatysty másele eki jyldan beri qarastyrylyp keledi. Oǵan jalpy 70 mlrd. teńge kóleminde qarajat ketpek. 2,6 mlrd. teńge tek baǵdarlamalyq qamtamasyz etýge jumsalady.
