Sottalýshylardyń betonnan jáne gıpsten jasaǵan músinderiniń baıqaýy ótti - SQO
ASTANA. 6 maýsym. QazAqparat - Soltústik Qazaqstan oblysynda sottalýshylardyń beton jáne gıpsten jasaǵan músinderiniń baıqaýy ótti.
Bul týraly oblystyq QAJ departamentinen habarlady.
QAJ departamentiniń ókili Vladımır Rýpınniń aıtýynsha, mádenı-buqaralyq sharanyń basty maqsaty sottalýshylardyń estetıkalyq tárbıesine baǵyttalǵan.
Baıqaý barysynda qazylar alqasy 3 týyndyǵa erekshe baǵa berdi. «Jaýynger» músini jeńimpaz dep tanylyp, 10 myń teńge kóleminde aqshalaı syıaqy tabystaldy. 7 myń teńge ekinshi oryndy ıelengen «Arystan» týyndysyna buıyrdy. «Sımbanyń» avtory úshinshi satydan kórinip, ol 5 myń teńgeni enshiledi.
Baıqaýǵa joldanǵan barlyq músinder shahardyń mekemeleri men uıymdaryna tegin taratylady, dep atap ótti V.Rýpın.
