Sottalýshylar búlik shyǵaryp, túrmeni órtedi
ASTANA. 17 maýsym. QazAqparat - Túrkııada sottalýshylar búlik shyǵaryp, sonyń saldarynan 13 adam qaza tapty jáne 5-eýi zardap shekti,
dep habarlaıdy Ýtro.rý.
Hurriyet gazetiniń jazýynsha, tártipsizdikter keshe keshkisin eldiń ońtústik-shyǵysynda, Sırııamen shekaralas tusta ornalasqan Shanlyýrfa túrmesinde oryn alǵan.
Aldyn ala málimetter boıynsha, sottalýshylar túrmede ustaý jaǵdaıyna, ásirese abaqty kameralaryndaǵy 40 gradýstyq ystyqqa keıistik tanytqan. Sonyń saldarynan olar kameralardyń birinde jamylǵy men matrastardy órtep, búkil túrmege taralǵan búlik shyǵarǵan. Tártipsizdikti basý ári órtti sóndirý úshin jandarmerııa men órt sóndirýshiler bólimi kelgen.
Sál keıinirek Túrkııa Premer-mınıstri Taıyp Erdoǵan búlik bastalǵan kamerada qamalǵan adamdardyń sany mólsherden tys ekendigin moıyndady. Jalpy, BBC málimetterine sáıkes, túrmede shamamen myńǵa jýyq sottalýshy bolǵan.
