Sottalýshyǵa uıaly telefon jetkizý úshin túrme qyzmetkerlerine para usynylǵan
ASTANA. Qarashanyń 4-i. QazAqparat /Ǵalymjan Hasenov/ - Qaraǵandy oblysynda jyldyń basynan beri azamattyq tulǵalardyń qylmystyq-atqarý júıesi qyzmetkerlerine para berýdiń on tórtinshi oqıǵasy tirkeldi,
dep habarlady Ádilet mınıstrligi Qylmystyq-atqarý júıesi komıtetiniń baspasóz qyzmetinen.
Eń sońǵy oqıǵanyń ereksheligi sol, aımaqtyń túzetý mekemeleriniń biriniń qyzmetkerine usynylǵan aqsha úlken somany quraǵan - 150 myń teńge sottalýshyǵa uıaly telefondy zańsyz jetkizý úshin berilmek bolǵan. Qylmystyq iz kesý organdarynyń qyzmetkerleri kenshiler ólkesiniń eki turǵynyn para berý ústinde ustady.
Bul fakti boıynsha materıaldar Qaraǵandy oblystyq ishki ister departamentine jiberildi. Óz mindetterin adal jáne sapaly atqarǵany úshin qylmystyq-atqarý júıesiniń qyzmetkeri yntalandyrýǵa usynyldy.
