Sottalýshyǵa qyrynýǵa arnalǵan kóbik ballonyna jasyrylǵan esirtki jiberilgen

ASTANA. QazAqparat - Qylmystyq-atqarý júıesi komıtetiniń qyzmetkerleri qyrynýǵa arnalǵan kóbiktiń ballonyna esirtki salǵan sottalýshynyń týystarynyń «zergerlik» jumysy týraly aıtyp berdi, dep habarlaıdy «QazAqparat» HAA vedomstvonyń baspasóz qyzmetine silteme jasap.

«2018 jyldyń birinshi toqsanynda bas bostandyǵynan aıyrý oryndarynda esirtki berip jiberýge qatysty birneshe arnanyń joly kesildi. Almaty oblysyndaǵy LA-155/14 mekemesinde otyrǵan sottalýshyǵa sálemdememen birge esirtki berip jibermek bolǵan onyń týystary da shynymen de zergerlik jumys jasaǵan. Olar birneshe tsellofan túıinshekterdi qyrynýǵa arnalǵan ballonǵa salǵan. Sot-hımııalyq saraptama anyqtaǵandaı, alynǵan túıinshekterde 40 grammnan astam nasha bolǵan», - delingen habarlamada.

Sondaı-aq, taıaýda ǵana LA-155/14 mekemesiniń aýmaǵynda Almaty oblysynyń turǵyny ustaldy. Ol sottalǵan aǵasyna negizgi bóget arqyly 140 gramm nasha bermek bolǵan.

2017 jyldyń birinshi toqsanynda tyıym salynǵan zattardy jetkizý áreketi úshin sottalýshylardyń týystary men tanystary arasynan 30 adam ákimshilik jaýapqa tartylsa, 2018 jyly olardyń sany 39-ǵa jetken. Eń kóp ákimshilik jaýapqa tartylǵandar - ShQO, BQO, Mańǵystaý jáne Ońtústik Qazaqstan oblystarynda.

Foto: sibreal.org