Sottalýshy Jamanqulov pen Jánibekovtiń týystarynyń qysym jasaǵanyn málimdedi
ASTANA. QazAqparat - Almaty qalasynyń № 2 Medeý aýdandyq sotynda Tuńǵyshbaı Jamanqulovtyń isi boıynsha sottalýshylardan jaýap alý jalǵasyp jatyr.
«Fenıks» kınofılminiń prodıýseri Tuńǵyshbaı Jamanqulovtyń, sondaı-aq rejısseri Talǵat Jánibekovtiń týystary kınokartınanyń atqarýshy prodıýseri Natalıa ıÝdınanyń birneshe ret ar-namysyn qorlap, qoqan-loqy jasaǵan. Bul týraly sottyń kezekti otyrysynda málim boldy.
«Qurmetti sot, Sizden Jamanqulov pen Jánibekovtiń týystaryna eskertý jasaýyńyzdy suraımyn. Olar maǵan únemi qysym kórsetýde»,- degen ótinish jasady Natalıa ıÝdına sotta. Onyń aıtýynsha, Talǵat Jánibekovtiń anasy oǵan taıaq ala júgirgen, al Jamanqulovtyń apasy onyń kinásin moıyndap, túsinik bergeni úshin shashyn julatynyn aıtyp, qoqan-loqy jasaǵan.
Aıta keterligi, jýyrdaǵy sot otyrysynda Natalıa ıÝdına «Fenıks» kınofılmin túsirý barysynda bıýdjet qarajatynyń qalaı urlanǵanyn áńgimelep bergen bolatyn. «Men tolyǵymen óz kinámdi moıyndaımyn. Aldyn-ala daıyndyq kezeńinde biz atqarylǵan jumsytardyń esep-shotyn usynǵan edik. Onda 12 mln. teńgeden astam somaǵa atqarylǵan jumystar kórsetilgen bolatyn. Osynyń negizinde biz aldyn-ala daıyndyq kezeńindegi jumystardyń aıaqtalǵany týraly qujatqa qol qoıdyq. Sóıtip, iske kiristik. Túsirilim bitken soń, biz sondaı-aq, 15 mln. teńgege esep-shot usyndyq. Odan áride biz daıyndyq kezeńine kóshýdi oılastyrdyq. Sonymen qatar, fılmniń jarnamalyq rolıgine birqatar túsirilim jasadyq»,- dep áńgimeledi Natalıa ıÝdına.
Ol sottaǵy sózinde túsirilim tobynyń keıbir múshelerine qosymsha tólemaqy tólengeni týraly egjeı-tegjeıli aıtyp berdi. «Tuńǵyshbaı Jamanqulovtyń tikeleı nusqaýymen fılmniń rejısseri Talǵat Jánibekov pen fılmniń redaktory Ǵızat Sultanovqa qosymsha tólemaqy tólendi. Bul aqsha atalǵan jobada buryn jumys istemegen qyzmetkerlerdiń esebinen bólindi. Dálirek aıtsam, ol Raýshan Mahno. Ol akterlerdiń jumysy boıynsha rejısserdiń assıstenti qyzmetine tirkelgen bolatyn. Onyń shotyna 575 940 teńge aýdaryldy. Ekinshi adam - kınokartınanyń qoıýshy-sýretshisi Ahmetjanov. Oǵan da osy somadan - 799 995 teńge jalaqy tólendi. Úshinshi adam - Bıjan Ábishev. Ol ekinshi rejısser bolyp jumys istedi. Biraq ol basynda 424 226 teńgeni qaıtaryp berdi. Sonyń ishinde 216 996 teńgeni men qosymsha tólemaqy retinde Talǵat Jánibekovke berdim. Buǵan qosa, kınofılmniń redaktory bolǵan Ǵızat Sultanovqa da osyndaı qosymsha tólemaqy tólendi. Atap aıtqanda, oǵan 2014 jyldyń mamyr aıynan bastap 2015 jyldyń naýryz aıyna deıin jalaqy alyp turdy»,- dep sózin jalǵady Natalıa ıÝdına.
Onyń aıtýynsha, Tuńǵyshbaı Jamanqulovtyń tikeleı nusqaýymen Ǵızat Sultanovtyń jubaıymen de eńbek kelisim-sharty jasalǵan. Onymen qoımaı, Ǵ.Sultanovqa Bıjan Ábishevtiń esebinen 207 100 teńge eńbekaqy tólenip otyrǵan.
Aıtpaqshy, sottyń keshegi otyrysynda túsinik bergen Natalıa ıÝdına 2 mln. teńgeni qaıtarǵan soń, tolyqtaı óz kinásin moıyndaǵany málim. «2014 jyldyń maýsymynda T. Jamanqulov maǵan «Fenıks» kınofılminiń óndirisine bólingen qarajattyń 6 mln. teńgesin qolma-qol aqshaǵa aınaldyryp, ózine jetkizýge nusqaý berdi. Men ol nusqaýdy oryndap, 5,3 mln. teńgeni qolma-qol aqshaǵa aınaldyrdym»,- dedi sottalýshy Natalıa ıÝdına.
