Sottalýshy túrmede bıznes ashyp, 340 adamdy jumyspen qamtydy
«Taıaýda Adam quqyqtary jónindegi ýákilmen birge Almaty oblysyndaǵy birneshe mekemege, onyń ishinde Zarechnyı eldi mekenindegi mekemege bardyq. Sotalýshylardyń biri tabysty bıznesin quryp, shamamen 340 adamdy jumysqa ornalastyrǵan etti qaıta óńdeý tsehynda boldyq. Ónimderin qaladaǵy jáne oblystaǵy saýda núktelerinde satady. Olar tabysty jumyspen qamtylǵan, salyqtaryn tóleıdi. Mundaı mysaldar kóp. Shyǵys Qazaqstan oblysynda aǵash óńdeý qarqyndy damýda. Tipti sottalýshylardyń biri mýzykalyq aspaptar shyǵaratyn óndirisin ashyp alǵan. Qaraǵandy oblysynda tıpografıııalyq, polıgrafııalyq ónimder shyǵarýǵa, metall óńdeýge qatysty sátti mysaldar jetkilikti. Kásipkerlik daǵdylaryn eskere otyryp, sottalýshylar mekeme aýmaǵynda túrli bıznes ashyp, jeke kásipkerlik pen jaýapkershiligi shekteýli seriktestikterdi tirkeıdi», - dedi komıtet tóraǵasy Іshki ister mınıstrligi alańynda ótken baspasóz máslıhatynda.
Onyń atap ótýinshe, jalaqy elimizdiń eńbek zańnamasyna sáıkes tólenedi. Jumys berýshimen jumysshy arasynda eńbek kelisimsharty jasalady.
«Jalaqy ortasha eńbekaqynyń tómengi kóleminen tómen bolmaýyn ǵana talap etemiz. Ádette ol daıyndalǵan ónimniń sapasy men kólemine baılanysty. Aýdarymdarǵa qatysty aıtar bolsam, sottalýshylardyń kópshiligine sot talaby bar. Soǵan oraı olardyń jalqysynyń 50 paıyzyna deıingi mólsheri bereshekterin jabý úshin ustalynady. Qalǵan bóligin qalaýynsha jumsaıdy nemese bostandyqqa shyǵatyn kezine saqtap qoıa alady», - dedi Janat Eshmaǵambetov.