Sottalýshy Aqmola kolonııasyna úsh telefon men esirtki ótkizbek boldy
KÓKShETAÝ. QazAqparat - Aqmola kolonııasynda sottalǵan adam mekemege úsh telefon men esirtki ótkizý úshin baqylaýshyǵa para usyndy, dep habarlaıdy QazAqparat tilshisi Aqmola oblysy boıynsha Qylmystyq atqarý júıesi departamentiniń baspasóz qyzmetine silteme jasap.
Vedomstvonyń málimetinshe, Aqmola oblysy boıynsha Qylmystyq atqarý júıesiniń eń joǵary qaýipsizdik mekemesinde jazasyn ótep júrgen 30 jastaǵy sottalýshy, buryn da sotty bolǵan er adam qolaıly sátti paıdalanyp, áskerı bólimniń baqylaýshysyna mekemege uıaly telefondar men esirtki ákelýge kómektesýdi suraǵan, osy kómegi úshin belgili bir somada aqsha usynǵan.
«QAJD, MBJ, áskerı polıtsııa qyzmetkerleriniń birlesken jumysy nátıje berdi. Aldyn ala daıyndalǵan stsenarıı boıynsha naǵyz spektakl oınaldy. Jas qyzmetker qosymsha aqsha tabýǵa kelisti. Sol kúni onyń kartochkalyq shotyna 20 myń teńge somasynda aqsha tústi. Al kelesi kúni sottalǵan adam úsh telefony men psıhotroptyq zaty bar kópten kútken sálemdemeni aldy, onymen birge múddeli qyzmetter tergeý sharalaryn bastap ketti», - dedi Aqmola oblysy boıynsha QAJD baspasóz hatshysy Irına Gornova.
Vedomstvodan atap ótkendeı, tergeý amaldary jalǵasýda. Tyıym salynǵan zattardy Aqmola kolonııalaryna aparý áreketteri tıylar emes.
Eske sala keteıik, 2020 jyldyń jeltoqsan aıynyń basynda 28 jastaǵy qamaýǵa alynǵan adam Kókshetaý qalasynyń ızolıatoryna uıaly telefonyn kirgizýge tyrysqan bolatyn. Al bıylǵy jyldyń qańtarynda Aqmola oblysyna jetkizilgen sottalýshynyń asqazanynan uıaly telefon tabyldy.
