Sottalýshy 20 myń teńge paramen shartty-merziminen buryn bosatý máselesin sheshpek boldy
ASTANA. Qazannyń 26-sy. QazAqparat /Ǵalymjan Hasenov/ - Qylmystyq iz kesý organdary men qylmystyq-atqarý júıesiniń ishki qaýipsizdik qyzmetkerleri para berýdiń kezekti,
13-shi faktiniń jolyn kesti. Jeksenbi kúni Atyraý oblysynyń qylmystyq-atqarý ınspektsııasynyń qyzmetkerine aqsha berý ústinde taǵy bir adam ustaldy, dep habarlady Ádilet mınıstrligi Qylmystyq-atqarý júıesi komıtetiniń baspasóz qyzmetinen.
20 myń teńge aqsha qoǵamnan oqshaýlanbastan jazasyn ótep jatqan sottalýshynyń shartty-merziminen buryn bosatý máselesin sheshýge arnalǵan bolyp shyqty. Fakti boıynsha materıaldar Atyraý oblysynyń qarjy polıtsııasyna joldandy.
Esterińizge sala keteıik, aǵymdaǵy jyly qylmystyq-atqarý júıesiniń qyzmetkerlerine para berýdiń birneshe fakti boıynsha Batys Qazaqstan, Qaraǵandy, Soltústik Qazaqstan jáne Shyǵys Qazaqstan oblystarynda qylmystyq ister qozǵaldy.
