Sottalýshynyń advokaty Sherzattyń ákesine qatysty is qozǵaýdy surady

TALDYQORǴAN. KAZINFORM – Jetisý oblysynyń qylmystyq ister jónindegi mamandandyrylǵan aýdanaralyq sotynda 16 jastaǵy Sherzat Polattyń ólimine baılanysty sot otyrysynda jaryssóz ótip jatyr.

Darhan Áskentaıdyń qorǵaýshysy, Jetisý oblysynyń advokattar alqasynyń advokaty Maýlen Erjanov is boıynsha jábirlenýshi Qarjaýbaı Nurymovqa qatysty is qozǵaýdy surady.

- Qurmetti sot, jábirlenýshilerdiń bergen jaýaptary bir-birine qarama-qaıshy. Jaýaptary jalǵan ekeni kórinip tur jáne dálelin tappady. Osyǵan baılanysty Darhan Áskentaıdy betinen urdy dep jaýap bergen Q.Nurymovqa qatysty QR Qylmystyq kodeksiniń 420-babymen (jalǵan aıǵaq berý) qylmystyq is qozǵaý týraly jeke qaýly shyǵarýyńyzdy suraımyn, - dedi ol.

Eske salaıyq, Sherzat sotynda jaryssóz bastaldy.

Prokýror sottalýshylarǵa 1,5-23 jyl arasynda jaza surady.

Odan keıin prokýror kýáger qyzdardyń is-áreketin qaıta tekserýdi surady.