Sottalýshylar qaıtys bolǵan qyzdyń otbasyna 50 mıllıonnan asa ótemaqy tóleıdi

AQTAÝ. KAZINFORM — Olar materıaldyq ótemaqy retinde 19 mıllıonnan astam jáne moraldyq zııan úshin 30 mıllıon teńgeden astam qarajat tóleýi tıis.

Búgingi sot otyrysyna Álına Serikovanyń ákesi men anasy jáne inisi Baýyrjan Joljan da qatysty. Sot basty sottalýshy Nurgeldi Seıitqalıevke ómir boıy bas bostandyǵynan aıyrý jazysyn taǵaıyndady. Sottalýshy Erkebulan Amanqosqa 16 jylǵa, Mereı Aralbaı, Jalǵas Úsenǵalıev pen Darhan Qulbasqa 13 jyldan berildi.

Eske salsaq, Aqtaýda sportshy qyzdy 5 turǵyn kúshpen alyp ketip, qorlap, zorlyq kórsetken edi. Saldarynan 30 jastaǵy qyz ózine qol jumsap, qaza tapty.

Buǵan deıin 30 qańtarda Mańǵystaý oblystyq sotynda Álına Serikovanyń isine qatysty appelıatsııalyq sot otyrysy ótkenin jazǵan edik.