Sottalmaǵandyq týraly anyqtamany termınal arqyly alýǵa bolady

ASTANA. QazAqparat - Jaqynda qazaqstandyqtar «Kassa 24» termınaldary arqyly memlekettik qyzmet ala alady, dep habarlaıdy QazAqparat tilshisi.

Atap aıtqanda, el turǵyndary úshin «Kassa 24» termınaldary arqyly 5 tanymal memlekettik qyzmet qoljetimdi bolady: mekenjaı anyqtamasy, múlik týraly anyqtama, sottalǵan-sottalmaǵany týraly anyqtama, zeınetaqy aýdarymdary týraly anyqtama jáne jeke tulǵanyń ózge zańdy tulǵalarǵa qatysýy týraly anyqtama.

«Qoldanýshy bir rettik qupııasóz arqyly anyqtama alýdy rastaıdy. Ol úshin azamat Mobıldi azamattar bazasyna tirkelýi tıis. ıAǵnı, tsıfrly-elektrondy qoltańba alarda turǵyn eGov.kz portalyndaǵy jeke kabınetine uıaly telefonynyń nómirin tirkeýi tıis. Bul nómir mobıldi azamattar bazasyna túsedi», - dep túsindirdi «Ulttyq aqparattyq tehnologııalar» AQ Basqarma tóraǵasy Áset Turysov.

Ol pılottyq jobanyń osy aptada DigitalBridge halyqaralyq forýmynda tanystyrylǵanyn eske saldy.

Sonymen birge, Á. Turysov «Kassa 24» termınaldary arqyly anyqtamalardy basyp shyǵarý múmkindigi qarastyrylyp jatqanyn jetkizdi.