Sottalǵandarǵa joldanatyn sálemdeme salmaǵy 20 kelige ulǵaıtyldy
NUR-SULTAN. QazAqparat – Іshki ister mınıstriniń orynbasary Arystanǵanı Zapparov eldegi qylmystyq atqarý júıesi qalaı jańǵyrtylyp jatqanyn aıtty, dep habarlaıdy QazAqparat tilshisi.
«Sottalǵandardy qashyqtyqtan baqylaý úshin planshetter men elektrondy bilezikter engiziletinin kópten beri aıtyp júrmiz. Bul esepke alynǵan azamattardyń probatsııa qyzmetiniń qyzmetkerlerimen fızıkalyq baılanystaryn barynsha azaıtýǵa múmkindik beredi jáne olardyń belgileı ornyna kelip-ketý shyǵyndaryn únemdeıdi», - dedi Arystanǵanı Zapparov adam quqyqtary jónindegi komıssııanyń otyrysynda.
Mınıstrdiń orynbasary túrme ınfraqurylymyn jańǵyrtý, qylmystyq-atqarý júıesi mekemelerin beınebaqylaý júıelerimen jaraqtandyrý, sondaı-aq jazasyn ótep jatqan adamdardy medıtsınalyq qamtamasyz etý máseleleri týraly da aıtty.
«Sottalǵandardy ustaý jaǵdaıyn halyqaralyq standarttarǵa sáıkes keltirý, qylmystyq jazalardyń oryndalýyn reformalaý, azaptaý faktilerin boldyrmaý – ishki ister organdarynyń aldynda turǵan basty mindetterdiń biri. Sońǵy jyldary sottalǵandardyń tamaqtaný ratsıony qaıta qaraldy. Іrimshik, qaımaq, shujyq ónimderi, shyryndar, jańa pisken jemistermen tolyqtyrylyp, et, balyq, sút jáne súzbe berý 1,5 esege artty», - dedi mınıstrdiń orynbasary.
Onyń aıtýynsha, bıyl Úkimet qaýlysy boıynsha ár sottalǵan adamnyń tamaqtaný normasy táýligine 40%-ǵa (630-dan 1018 teńgege deıin) ulǵaıtylypty. Abaqtydaǵy azamattardyń azyq-túlik pen qajetti taýarlardy satyp alýy úshin «elektrondyq dúkender» engizilip jatyr.
«Sálemdemelerdiń salmaǵy 14-ten 20 kelige deıin ulǵaıtyldy. Ózimen birge alyp júrýge, sálemdeme men banderol kúıinde alýǵa jáne mekeme janyndaǵy dúkenderde satyp alýǵa ruqsat etiletin zattardyń tizbesi keńeıtildi. Barlyq mekemelerde Bas prokýratýraǵa jáne basqa da memlekettik organdarǵa shaǵym berý úshin 121 elektrondyq termınal ornatylǵan. Bıyl taǵy 122 termınal satyp alý josparlanyp otyr», - deıdi Arystanǵanı Zapparov.
Іshki ister mınıstrliginiń ókili eldegi qylmystyq atqarý júıesinde 65 medıtsınalyq bólim, 15 medıtsınalyq pýnkt, eki somatıkalyq, úsh týberkýlezge qarsy jáne bir psıhıatrııalyq aýrýhana bar ekenin atap ótti. Ótken jyly 5,6 myńnan astam naýqas konsýltatsııalyq-dıagnostıkalyq kómek alsa, 400-ge jýyq hırýrgııalyq operatsııa sátti júrgizilgen.
Búgingi tańda respýblıkanyń 80 penıtentsıarlyq mekemelerinde 1,7 myńnan astam áıel, 716 múgedek jáne 47 kámeletke tolmaǵan jasóspirim jazasyn ótep jatyr.
