Sottalǵandarǵa raqymshylyq jasaý týraly sheshimdi qabyldaý protsesi qandaı
NUR-SULTAN. QazAqparat – Іshki ister mınıstrligi sottalǵandarǵa raqymshylyq jasaý týraly sheshim qalaı qabyldanatyny týraly túsinikteme berdi, dep habarlaıdy QazAqparat tilshisi.
Mınıstrliktiń QazAqparat saýalyna bergen jaýabyna súıensek, sońǵy ret raqymshylyq jasaý týraly Zań 2016 jyldyń 13 jeltoqsanynda, Táýelsizdiktiń 25 jyldyǵyna oraı qabyldanǵan.
«QR Qylmystyq kodeksiniń 78 -babynyń 1 jáne 2-bólimderine sáıkes, raqymshylyq jasaý týraly aktini Qazaqstan Respýblıkasynyń Parlamenti jeke anyqtalmaǵan adamdar tobyna qatysty shyǵarady», - dep jazylǵan vedomstvo jaýabynda.
Qylmystyq is júrgizý kodeksiniń 476-babynyń 15-tarmaqshasy boıynsha sot raqymshylyq jasaý týraly úkim-aktini oryndaýǵa baılanysty máselelerdi qaraıdy. Sonyń negizinde qylmystyq teris qylyq, onsha aýyr emes nemese aýyrlyǵy ortasha qylmys jasaǵan adamdar qylmystyq jaýaptylyqtan bosatylýy múmkin.
«Raqymshylyq sharalaryna jazadan bosatý, merzimdi qysqartý, jazanyń neǵurlym jeńil túrimen aýystyrý nemese jazanyń qosymsha túrinen bosatý kiredi», - deıdi mınıstrlik mamandary.
