Sottalǵandarǵa qatysty azaptaý faktileri tirkelgen joq – QAJ komıteti

ASTANA. KAZINFORM – Bıyl sottalǵandarǵa qatysty qyzmetkerler tarapynan azaptaý faktileri tirkelgen joq. Bul týraly QR ІІM Qylmystyq-atqarý júıesi komıtetiniń tóraǵasy Teńizjan Jánibekov aıtyp berdi.

«Bizdiń qyzmetimizdegi basty nazar azaptaý men qatigez qarym-qatynasty joıýǵa baǵyttalǵan. Sondyqtan elimizdiń penıtentsıarlyq júıesinde ashyqtyq pen anyqtyq saıasaty iske asyrylyp jatyr. Biz Adam quqyqtary jónindegi ýákilmen, qoǵamdyq-baqylaý komıssııalarymen, ulttyq aldyn alý tetigimen belsendi ózara is-qımyl jasaımyz», - dedi komıtet tóraǵasy Ortalyq kommýnıkatsııalar qyzmetinde ótken baspasóz máslıhatynda.

Bul uıymdardyń ókilderi mekemelerge barýǵa, qamaýdaǵylarmen kezdesýge, quqyqtardyń saqtalýyna únemi monıtorıng júrgizedi. Oǵan qosa, áleýmettik is-sharalar ótkizýge quqyǵy bar.

«Bıyl sottalǵandarǵa qatysty qyzmetkerler tarapynan azaptaý faktileri tirkelmegen. Keıbir sottalǵandar jazany óteý tártibin saqtamaıtynyn eskerý qajet, ol úshin olar ákimshilikke qysym jasaýdyń túrli arandatýshylyq tásilderin, onyń ishinde jalǵan shaǵymdanýdy qoldanady. Osyǵan qaramastan, sottalǵandardyń aryz-shaǵymdary, zorlyq-zombylyq nemese zańsyz qatygezdik sharalaryn qoldaný týraly árbir habarlamasy tótenshe jaǵdaı retinde qabyldanady. Mundaı habarlamalardyń barlyǵy mindetti túrde tirkelýge jatady jáne olar boıynsha sotqa deıingi tergep-tekserý júrgiziledi», - dedi komıtet basshysy.

Buǵan deıin spıker Qazaqstanda túrmedegi tutqyndar sany 7 myńǵa artqanyn aıtqan edi.