Sottalǵandarǵa et, jemis qajetti mólsherde berilmegen: 12 adam jaýapqa tartyldy
QARAǴANDY. KAZINFORM – Prokýratýra Qaraǵandy oblysynda sottalǵandardyń quqyǵy buzylǵanyn anyqtady.
Tekserý barysynda sottalǵandardyń ómiri men densaýlyǵyna qaýip tóndiretin kommýnaldyq qyzmet salasyndaǵy óreskel buzýshylyqtar tirkeldi.
- Onkologııalyq, búırek aýrýlary, asqazan-ishek joldary jáne endokrındik júıe sııaqty aýrýlary bar sottalǵandar qosymsha tamaqtandyrýǵa quqyly. Tekserý Qaraǵandy oblysynyń mekemelerinde sottalǵandar et, jemis-jıdek jáne basqa da qajetti ónimderdiń qosymsha portsııasyn almaǵanyn kórsetti, - delingen Qaraǵandy oblysynyń prokýratýrasy taratqan habarlamada.
Prokýratýranyń qadaǵalaý aktisi boıynsha kináli 12 tulǵa tártiptik jaýapkershilikke tartyldy. Zań buzýshylyqtar joıyldy, 565 sottalǵannyń konstıtýtsııalyq quqy qorǵaldy.
Bul másele Qaraǵandy oblysynyń Úılestirý keńesiniń otyrysynda talqylanyp, ýákiletti organdarǵa naqty usynystar daıyndaldy.
Eske salsaq, SQO-da 20-ǵa jýyq kásipker sottalǵandardy jumyspen qamtyp otyrǵany týraly jazǵan bolatynbyz.