Sottalǵandarǵa bos jumys oryndary jármeńkesi uıymdastyryldy
ASTANA. KAZINFORM – Astana qalasy Saryarqa aýdanynyń prokýratýrasy probatsııalyq baqylaýda turǵan azamattarǵa arnalǵan Eńbek mobıldiligi ortalyǵynyń negizinde bos jumys oryndary jármeńkesi uıymdastyryldy.
Іs-shara sottalǵan azamattardy jumyspen qamtýǵa járdemdesý, olardy qoǵamǵa beıimdeý jáne qaıta quqyq buzýshylyqtardyń aldyn alý maqsatynda ótkizildi.
Jármeńke aıasynda qalanyń iri kásiporyndary men uıymdarynyń ókilderi shaqyrylyp, olar ózderiniń bos jumys oryndaryn jáne eńbekke ornalastyrý sharttaryn usyndy. Іs-shara qatysýshylary jumys berýshilermen tikeleı suhbattasyp, jumysqa ornalasý máseleleri boıynsha keńes alyp, úmitkerlerge qoıylatyn talaptarmen tanysý múmkindigine ıe boldy.
Sonymen qatar, bos jumys oryndary jármeńkeniń barysynda taǵy 16 azamatqa odan ári jumysqa ornalasý úshin joldama berildi.
Astana qalasy prokýratýrasy málimetinshe, sottalǵan azamattardy áleýmettik beıimdeý jáne qaıtalama qylmystyń aldyn alý baǵytyndaǵy jumystar aldaǵy ýaqytta da jalǵastyrylady.
Aıta keteıik, Soltústik Qazaqstan oblysynda jasandy ıntellektini qoldanyp, sottalǵandarǵa arnalǵan quqyqtyq keńesshi ázirlenetin bolady.
Astanada sottalǵandar normadan tys jumys istep, eńbekaqysy ýaqytyly tólenbegen.
Qazaqstan men Qatar sottalǵandardy berý jóninde kelisimge keldi.