Sottalǵandarǵa arnalǵan elektrondy bilezikter jobasy 2016-2018 jyldary júzege asyrylady
ASTANA. QazAqparat - Bas bostandyǵy shekteýli adamdardy qadaǵalaýǵa arnalǵan elektrondy bilezik kólemi artýy múmkin. Bul týraly búgin Ortalyq kommýnıkatsııalar qyzmetindegi baspasóz máslıhatynda ІІM Qylmystyq-atqarý komıteti tóraǵasynyń orynbasary Azamat Bazylbekov málim etti.
«Bul jobany úsh jyldyń barysynda júzege asyrý josparlanyp otyr, ıaǵnı 2016-2018 jyldar qamtylady. Búginde tehnıkalyq ekonomıkalyq negizdemeni daıarlaýǵa QR ІІM ınvestıtsııalyq usynys ázirledi jáne ol salalyq saraptamany júrgizý úshin Investıtsııalar jáne damý mınıstrligine jiberildi», - dedi ol. A. Bazylbekovtiń sózine qaraǵanda, jobany túpkilikti iske asyrý 2018 jylǵa kózdelgen. Qarjylandyrý kezeń-kezeńimen 2016-2018 jyldarǵa bólinetin bolady. Sonymen qatar ol qajetti elektrondy bilezikter kólemi artatynyn, osyǵan sáıkes joba quny da joǵarylaıtyndyǵyn atap ótti. Aıta keteıik, Qazaqstanda bas bostandyǵy shekteýli túrde jazasyn óteýshi adamdardy, sondaı-aq qylmystyq-atqarý júıesi ınspektsııasynyń tirkeýinde turǵandardy qadaǵalaýdy júzege asyrý kezinde paıdalanylatyn «elektrondy bilezikter» dep atalatyn izge túsýdiń elektrondy quralyn engizý josparlanyp otyr. Bul atalǵan sanattaǵy tulǵalarǵa baqylaýdy kúsheıtýge, ýaqytyly olardyń turǵan jerin anyqtaýǵa, jazasyn óteýdiń bekitilgen tártibinen jaltarýdy toqtatýǵa, sondaı-aq onyń aldyn alýǵa múmkindik beredi.
