Sottalǵandardyń týystarymen beınesóılesý engiziledi – ІІM
NUR-SULTAN. QazAqparat – Búginde sottalǵandardyń azyq-túlik, kıim-keshek, kitap satyp alý múmkindigi bar. Bul týraly Іshki ister mınıstrliginiń baspasóz qyzmeti ótkizgen onlaın brıfıngte aıtyldy, dep habarlaıdy QazAqparat tilshisi.
Ótken aptada QR ІІM basshysy Erlan Turǵymbaev senatorlarmen birge eldiń penıtentsıarlyq júıesin damytý máselesin talqylaǵan bolatyn.
«Erlan Turǵymbaev qylmystyq-atqarý júıesin damytý, qamaýda ustaý oryndarynyń ınfraqurylymyn jańǵyrtý, sottalǵandardy jumysqa ornalastyrý, olarǵa medıtsınalyq qyzmet kórsetý, sondaı-aq mekemelerdi beınebaqylaýmen jaraqtandyrý týraly baıandady», - deıdi QR ІІM resmı ókili Nurdildá Oraz.
Onyń aıtýynsha, vedomstvo basshysy qabyldanyp jatqan sharalar sottalǵandardy ustaýdy aıtarlyqtaı jaqsartatynyn jáne jazalardy oryndaý júıesin izgilendirý úshin quqyqtyq jaǵdaılardy qamtamasyz etetinin atap ótken.
«Búginde sottalǵandardyń azyq-túlik, kıim-keshek, kitap satyp alý múmkindigi bar. Áleýmettik paıdaly baılanystardy qoldaý úshin sottalǵandardyń týystarymen beınesóılesý engiziledi. Sálemdemelerdiń salmaǵy, sondaı-aq tamaqtaný normalary artty», - dedi Іshki ister mınıstri Erlan Turǵymbaev talqylaý barysynda.
