Sottalǵandardyń basym bóligi jazasyn ótegennen keıin túrmege oralmaıdy – Arman Jumaǵalıev

NUR-SULTAN. QazAqparat – Sottalǵandardyń basym bóligi jazasyn ótegennen keıin túrmege qaıtyp oralmaıdy. Mundaı pikirdi QR Ulttyq ulany «Batys» óńirlik qolbasshylyǵynyń qolbasshysy Arman Jumaǵalıev bildirdi, dep habarlaıdy QazAqparat tilshisi.

«Búginde Ulttyq gvardııa bári úshin de ashyq. Tipti áskerı qyzmette bolmaǵan tanystarymnyń kópshiligi ol jaıynda kóp jaıttan qulaǵdar. ıAǵnı, olardyń nemen aınalysatynyn, qoǵamdyq tártipti qadaǵalaýda qandaı is atqarǵanyn, onyń ishinde túzetý mekemelerin kúzetetindigin jaqsy biledi. Olar túzetý mekemelerinde qaıta tárbıeleýdi qajet etetin adamdardyń ustalatyndyǵyn túsinedi», - dedi ol QazAqparat tilshisimen telefon arqyly tildesý barysynda.

Sonymen qatar ol túzetý mekemeleriniń jumys tıimdiligine qatysty da oıymen bólisip ótti.

«Qoǵamymyzda túrli adamdar bar. Olardyń psıhologııasy, dúnıetanymy, kózqarasy ártúrli bolyp keledi. Túzetý mekemeleri sottalǵandardy 100 paıyz durys jolǵa túsiredi dep aıta almaımyn. Shamamen 82 paıyzy qalypty ómirge oralatyndyǵy ras. Sońǵy ýaqytta túzetý mekemesine qaıtadan keletin adamdardyń sany kúrt azaıdy. Máselen, Keńes odaǵy zamanda túrmege qaıtadan túsetin sottalýshylardyń sany kóbirek bolatyn. Qazir olar bostandyqqa shyqqannan keıin jumysqa ornalasyp, qoǵamǵa sińisip ketip jatyr. Sondyqtan sottalǵandardyń basym bóligi kollonııaǵa qaıtyp túspeıdi», - dedi Arman Jumaǵalıev.

«Batys» óńirlik qolbasshylyǵynyń qolbasshysy sóz sońynda áskerı qyzmetti tańdaýyna ákesi sebepker bolǵanyn aıtty.

«Ákem áskerı qyzmetshi bolǵannan keıin osy mamandyqty tańdadym. Eki atam soǵysta mert boldy. Osy sebepter mamandyq tańdaýyma túrtki bolyp, áskerı qyzmetti tańdaǵan edim», - dedi ol.