Sottalǵandardyń dinı ustanymy olar bostandyqqa shyqqanda nazardan tys qalady – ІІM

ASTANA. KAZINFORM – Іshki ister mınıstrligi túrmede dástúrli dinge qaıtqandardy ózge sottalǵandardyń dinı saýatyn ashýǵa tarta bastaǵan. Bul týraly mınıstrlik ókilderi Kazinform saýalyna joldaǵan jaýapta málim etti.

- Radıkaldy kózqarastan aryltý baǵdarlamalarynda ıdeologııalyq jáne psıhologııalyq faktorlar ǵana emes, sonymen birge olardyń «ózara áseri» de eskerilýi qajet.

Eger bas bostandyǵynan aıyrý oryndarynda tárbıe, psıhologııalyq, teologııalyq jumystar júrgizilse, bostandyqqa shyqqan kezde sottalǵandardyń bul sanaty jetkilikti nazardan tys qalatynyn atap ótý mańyzdy.

Túzelý jolyna túsken sottalǵandardy aqparattyq-túsindirý toptarynyń quramyna tartý boıynsha belsendi jumys júrgizilip jatyr.

Ekstremıstik ıdeıalardan bas tartqan sottalǵandar - qylmystyq atqarý júıesi mekemelerinde terrorızmniń aldyn alýda jáne qarsy nasıhattaýda eń tıimdi adamdardyń biri, - dep jazylǵan jaýapta.

Sondaı-aq mınıstrlik málimetinde túrmelerge dinı saraptamadan ótken ádebıet qana engiziletini aıtylǵan.

- Bul rette, mekemedegi adamdardyń ómiri men densaýlyǵyna qaýip tóndiretin dinı maqsattaǵy zattardy kirgizýge jol berilmeıdi. Kameralyq jáne qatań jaǵdaıda jazany ótep jatqan azamattarǵa dinı ádebıet jáne dinı mazmundaǵy ózge materıaldar mekemeniń kún tártibimen kózdelgen jeke ýaqytta usynylady, - dep jazylǵan ІІM málimetinde.

Buǵan deıin Qazaqstan túrmelerindegi 1 myńnan astam áıel raqymshylyqqa ilinýi múmkin ekenin jazǵan edik.