Sottalǵandardy jazadan bosatýǵa negiz bolatyn aýrýlar tizimi jańardy

ASTANA. KAZINFORM — Densaýlyq saqtaý mınıstrligi sottalǵandardy jazadan bosatýǵa negiz bolatyn aýrýlar tizimin keńeıtýdi usynyp otyr. Qujat jobasy «Ashyq NQA» portalynda jarııalandy. 

— Sottalǵandar arasynda ólim-jitimdi azaıtý jáne aýyr naýqastardyń densaýlyǵyn saqtaý maqsatynda jazadan bosatýǵa negiz bolatyn aýrýlardyń tizimin ózektendirý maqsatynda tıisti joba ázirlendi, — delingen qujatta.

Jazadan bosatýǵa negiz bolatyn aýrýlardyń tizimi kelesi dert túrlerimen tolyqtyrylyp otyr: 

— baýyr tsırrozy;
— sozylmaly búırek aýrýy;
— aýyr dárejedegi sozylmaly ókpe aýrýy, sondaı-aq gormonǵa táýeldi aýrýlar.

Qujat jobasy 2025 jylǵy 5 qyrkúıekke deıin qoǵamdyq talqylaýǵa usynylyp otyr.

Aıta ketsek, taıaýda Іshki ister mınıstrligi túrmedegi áıelderdiń jaǵdaıyn jeńildetetin qujat jobasyn qoǵamnyń talqysyna usynǵan edi.