Sottalǵandardy azaptady dep aıyptalǵan túrmeniń 12 qyzmetkerine qatysty úkim shyqty
ASTANA. KAZINFORM — Aqmola oblysynyń mamandandyrylǵan aýdanaralyq qylmystyq ister jónindegi sot alqabılerdiń qatysýymen qylmystyq-atqarý júıesi komıtetiniń 12 qyzmetkerine qatysty qylmystyq is qarady.

Qylmystyq qýdalaý organy QAJK qyzmetkerlerin Atbasar qalasynyń mekemesinde jazasyn ótep jatqan sottalǵan adamdarǵa áser etýdiń ruqsat etilmegen ádisterin qoldandy dep aıyptady (Qylmystyq Kodeksiniń 146-baby 3-bóliginiń 1-tarmaǵy).

— Alqabıler sotymen is qaralǵanda qylmys oqıǵasynyń bolýy, sottalýshylardyń kinási týraly sheshim daýys berý arqyly qabyldanady. 10 alqabı men 1 sýdıanyń árqaısysy bir daýysqa ıe. Daýys berýdiń artyqshylyǵy joq. Keńesý bólmesinde daýys berý nátıjeleri boıynsha alqabıler kópshilik daýyspen sottalýshylardyń kinásizdigi týraly sheshim shyǵardy, — delingen habarlamada.

Osylaısha alqabılerdiń sheshimimen 12 sottalýshy aqtaldy. Sot úkimi zańdy kúshine engen joq.
Eske salsaq, QAJK qyzmetkerleri 2023 jyldyń qyrkúıeginde ustalǵan bolatyn.
Buǵan deıin Sot Almaty oblysyndaǵy túrmeniń burynǵy bastyǵyna úkim keskenin jazdyq.