Sottalǵandar sanyn azaıtamyz desek, raqymshylyq sharasyn júrgizgen durys - Joǵarǵy sot
ASTANA. Qazannyń 27-si. QazAqparat /Aıdar Ospanalıev/ - «Qazaqstan búgingi tańda 100 adamǵa shaqqanda sottalǵan azamattar sany jaǵynan álem boıynsha 17-nshi orynda tur.
Alaıda elimizde qazir jazalaý, ıaǵnı tutqynǵa alýdy sanktsııalaý jaǵdaılary kemip otyr. Sondyqtan sottalǵandyqtardyń kórsetkishteri boıynsha bizdiń bıylǵy jylǵy kórsetkishter birshama ońalady degen oıdamyn», - dedi búgin Joǵarǵy sottyń Qylmystyq isterdi baqylaý alqasynyń tóraǵasy Aqyltaı Qasymov búgin jýrnalıstermen kezdesýi barysynda.
Onyń sózine qaraǵanda, búginde elimizde sottalǵan azamattar sanynyń kóptigi ras. Mundaı problema elimizde bar. «Al raqymshylyq, ıaǵnı amnıstııa máselesine keletin bolsaq, bul memlekettiń azamattarǵa keshirim jasaýy. Ol zań negizinde júzege asady. Eger quzyrly organdar, aıtalyq quqyq qorǵaý organdary men depýtattar tıisti másele kóterip, qajetti zań qabyldanatyn bolsa, bas bostandyǵynan aıyrý oryndaryndaǵy azamattar sany aıtarlyqtaı azaıatyn edi. ıAǵnı bizde búgin jekelegen qylmystar boıynsha, basqasha aıtqanda ortasha deńgeıde qylmys jasap sottalǵan azamattarǵa raqymshylyq jasaý qajettiligi bar», - dedi A.Qasymov.
