Sottalǵandar ózderiniń týǵan-týystarymen endi ınternet arqyly kórise alady - QR Ádilet mınıstrligi
ASTANA. Shildeniń 22-si. QazAqparat /Jasulan Amanbaıuly/ - Sottalǵandar ózderiniń týǵan-týystarymen endi ınternet arqyly kórise alady. Ádilet mınıstrligi Qylmystyq-atqarý júıesiniń tájirıbesine «Beınekezdesý» jobasyn engizýde. Bul týraly búgin brıfıng barysynda QR Ádilet mınıstrliginiń resmı ókili Erbolat Erimbet málim etti,
dep habarlaıdy QazAqparat.
«Bul jańalyq olardyń áleýmettik-týystyq baılanystaryn júrgizýdi jeńildetedi. Sottalǵandar men olardyń týystarynyń kezdesý quqyqtaryn qamtamasyz etýdi jaqsartady», deıdi E.Erimbet.
Ádilet mınıstrliginiń bul jańalyǵy jol júrý, qatynaý jáne baspana jaldaýǵa jumsalatyn qarajatty únemdeıdi.
«Beınekezdesý» sottalǵandardyń erigimen, tańdaýymen júretin bolady. Eger ol týǵan-týystarymen osy joba arqyly kezdesýge nıet bildirse ǵana beınekezdesý uıymdastyrylady», dep atap kórsetti resmı ókil.
