Sottalǵandar memtapsyrysty oryndaýǵa jumyldyrylady
ASTANA. QazAqparat - Qylmystyq-atqarý júıesiniń «Eńbek» kásiporyndaryna qosalqy merdigerlerdi tartýǵa tyıym salý josparlanyp otyr. Bul týraly Parlament Májilisiniń jalpy otyrysynda QR Qarjy mınıstri Álıhan Smaıylov málim etti, dep habarlaıdy QazAqparat.
«QR ІІM Qylmystyq-atqarý júıesiniń «Eńbek» kásiporyndaryna bir kózden satyp alý barysynda qosalqy merdigerlerdi tartýǵa tyıym salý eskerilgen. Bul «Eńbek» kásiporyndarynyń tikeleı memlekettik tapsyrysty ala otyryp, sottalǵandardy jumysqa ornalastyrýdyń ornyna, barlyq jumystardy qosalqy merdigerlerge berýine baılanysty bolyp otyr», - dedi mınıstr.
Osy oraıda atalǵan qadam sottalǵandardy jumyspen qamtýǵa múmkindik beredi.
Budan buryn habarlanǵandaı, Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik satyp alý jáne kvazımemlekettik sektor sýbektileriniń satyp alý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
QR Qarjy mınıstri memlekettik satyp alýlar salasyndaǵy problemalardy ataǵan bolatyn.
Sonymen qatar Álıhan Smaıylov qurylys salasynda memlekettik satyp alýdy jetildirý tártibin túsindirdi.
