Sottalǵandar aýyr naýqastanǵan qyz balaǵa qymbat baǵaly operatsııa jasaýǵa materıaldyq kómek kórsetti
ASTANA. 20 sáýir. QazAqparat - Qaraǵandy oblysynda sottalǵandar aýyr naýqastanǵan qyz balaǵa shetelde qymbat baǵaly operatsııa jasaýǵa materıaldyq kómek kórsetti, dep habarlady aımaqtyń QAJ departamentinen.
AK-159/18 (Qaraǵandy oblysy, Qarabas kenti) tárbıe jumysy jónindegi kolonııa bastyǵynyń orynbasary Vılorıı Kımniń aıtýynsha, jaqyn kúnderde oblystyq telearnalardyń birinde anasynyń qyzyna operatsııa jasaýǵa kórermenderden qoldan kelerlik kómek kórsetýdi ótingen beınesıýjet kórsetilgen. Kishkentaı Angelınaǵa shetelde ǵana jasalatyn qymbat baǵaly operatsııa qajet.
Kómek kórsetý týraly ótinish AK-159/18 mekemesindegi sottalǵandardy da beıjaı qaldyrmady. Olar óz jınaq aqshalaryn telebaǵdarlamada kórsetilgen esepshotqa aýdardy. «Atalǵan adamgershilik is-áreket temir tordaǵylardyń júreginde de osyndaı qaıyrymdylyq pen aıaýshylyq sııaqty adamdyq qasıetter bar ekeniniń jarqyn kórinisi bolyp tabylady. Mekemeniń ákimshiligi ony tek qana erkin erik pen qaıyrymdylyqtyń nyshany dep qana emes, sonymen qatar olardyń túzele bastaýynyń dáleli retinde baǵalaıdy», - dedi óz áńgimesinde V.Kım.
