Sottalǵandar arasynda týberkýlezge shaldyqqandar sany 5 ese qysqardy
NUR-SULTAN. QazAqparat - Sottalǵandar arasynda týberkýlezge shaldyqqandar sany 5 ese qysqardy. Bul týraly QR Іshki ister mınıstrligi Qylmystyq atqarý júıesi komıtetiniń tóraǵasy, polıtsııa polkovnıgi Janat Eshmaǵambetov aıtty, dep habarlaıdy QazAqparat tilshisi.
«Medıtsınalyq kómek kórsetý mańyzdy baǵyt sanalady. Somatıkalyq 2, psıhıatrııalyq 1, týberkýlezge qarsy 3 aýrýhana, 67 medıtsınalyq bólim jáne 15 medıtsınalyq pýnkt jumys isteıdi. Halyqty tirkeý tirkelimi aıasynda sottalǵandar aýmaqtyq medıtsınalyq uıymdarǵa tirkelgen. Túrmege kelip túsken barlyq tulǵalar mindetti túrde aldyn ala tekserýden ótedi. Qajettilik týyndaǵanda azamattyq densaýlyq saqtaýdyń mamandary da tekserýge tartylady. Sozylmaly aýrýlar anyqtalǵan jaǵdaıda esepke alynyp, tekserýden, konsýltatsııa men emdeýden ótedi», - dedi komıtet tóraǵasy.
Sonymen qatar jyl saıyn densaýlyq saqtaý organdarynyń mamandary jyljymaly dıagnostıkalyq keshenderdi jumyldyrý arqyly aldyn alý tekserýler ótkizedi. Tek osy jyly ǵana 2 myńnan astam naýqas konsýltatsııalyq-dıagnostıkalyq kómek alyp, 120-dan astam ota jasaldy.
«Qabyldanyp jatqan sharalardyń nátıjesinde týberkýlezben kúreste turaqty oń tendentsııa baıqalady. Sońǵy jyldary osy dıagnozben anyqtalǵan naýqastar sany 5 ese, ólim-jitim 8 ese, al naýqastardyń jalpy sany 4 ese azaıdy», - dedi Janat Eshmaǵambetov.
