Sottalǵandar arasynda shahmattan halyqaralyq týrnır ótip jatyr
EREVAN. Armenpress-QazAqparat – Armenııada sottalǵandar arasynda shahmattan halyqaralyq týrnır ótip jatyr, dep habarlaıdy «QazAqparat» HAA Armenpress agenttigine silteme jasap.
5 tamyz kúni Armenııa Respýblıkasy Ádilet mınıstrliginiń «Armavır» qylmystyq-atqarý mekemesinde AQSh-tyń bastamasymen shahmattan sottalǵandar arasynda uıymdastyrylǵan halyqaralyq onlaın-týrnırdiń birinshi raýndy ótti. Týrnırge 7 eldiń - Brazılııa, Reseı, Ulybrıtanııa, AQSh, Italııa, Belarýs jáne Armenııa ókilderi qatysýda.
Agenttiktiń málimetinshe, oıyndarǵa Armenııa Shahmat akademııasynyń negizin qalaýshy grossmeıster Smbat Lpýtıan jáne halyqaralyq dárejedegi tóreshi Noraır Kalantarıan baqylaýshy bolǵan.
Búgin komandalyq jarystardyń fınaly ótpek.
