Sottalǵan Jomart Ertaevtyń jazasy jeńildetildi
Almaty qalalyq sot baspasóz qyzmetiniń málimetinshe, Apellıatsııa alqa qaýlysyna sáıkes, Jomart Ertaev túrmede 11 jyl emes toǵyz jyl otyrady.
Sot úkiminiń qalǵan bóligi ózgerissiz qalady.
«Jomart Ertaev 9 jylǵa, Igor Majınov 7 jylǵa, Baqyt Ibragım 7 jylǵa sottaldy. Sonymen birge, 13 sottalýshyǵa shartty jaza qoldanyldy»,- delingen sot qaýlysynda.
Buǵan deıin, sot úkimimen Jomart Ertaev 11 jyl bas bostandyǵynan aıyrylǵan bolatyn. Ol jazasyn ortasha qaýipsizdiktegi qylmystyq-atqarý júıesi mekemesinde óteıdi.
Sondaı-aq, memlekettik aıyptaýshy Ertaev kinásin moıyndaǵanyn, qylmystyq isti tergeýge kómekteskenin, zalaldy ishinara ótegenin, sondaı-aq kámeletke tolmaǵan balalary baryn eskergen bolatyn.
Esterińizge sala keteıik, Jomart Ertaev 2019 jyldyń mamyrynda Máskeýde QR ІІM Interpoldyń Ulttyq ortalyq bıýrosynyń ótinishi boıynsha ustalǵan
QR ІІM málimetinshe, Ertaev asa iri kólemdegi alaıaqtyǵy úshin halyqaralyq izdeýde bolǵan.