Sottalǵan vaınerler Meıirjan Tórebaev pen Meıirhan Shernııazov Almatyǵa aýystyryldy

ALMATY. KAZINFORM – Mudarabah Capital qarjy pıramıdasyn qurý isi boıynsha sottalǵan belgili vaınerler Meıirjan Tórebaev pen Meıirhan Shernııazov Almatydaǵy kolonııaǵa aýystyryldy.

Bul týraly Meıirjan Tórebaevtiń áıeli Dana Eseeva áleýmettik jelide aıtqan bolatyn. Atalǵan derekti QR Іshki ister mınıstrliginiń Qylmystyq-atqarý júıesi komıtetinde rastady. 

– Almaty qalasy mekemesinde ustalatyn adamdar lımıtiniń ulǵaıýyna baılanysty birqatar sottalǵan adam, onyń ishinde siz kórsetkender turǵylyqty jeri boıynsha etappen jóneltildi. Qylmystyq-atqarý zańnamasynyń talaptaryna sáıkes ózge de aqparat jarııa etilýge jatpaıdy, - dep habarlady QAJK baspasóz qyzmeti.

Buǵan deıin olar Pavlodar oblysynyń №44 mekemesinde bolǵan edi. 

Eske salaıyq, byltyr maýsym aıynda Almatyda Mudarabah Capital qarjy pıramıdasyn qurý isi boıynsha sot úkimi shyqqan bolatyn. Atalǵan is boıynsha vaınerler Meıirjan Tórebaev pen Meıirhan Shernııazov 5 jylǵa sottaldy.

Sondaı-aq qarjy pıramıdasyn qurdy dep sottalǵan Meıirjan Tórebaevtyń áıeli Dana Eseeva áleýmettik jelide kúıeýi men balalarynyń vıdeosyn jarııalaǵanyn jazǵanbyz. 

Keıin Pavlodar oblysy qylmystyq-atqarý júıesi departamenti sottalýshy Meıirjan Tórebaevtyń nege úıine jiberilgenin túsindirdi. 

Osy jyldyń basynda vaınerler Meıirjan Tórebaev pen Meıirhan Shernııazov sotqa appelıatsııalyq shaǵym túsirdi. Alaıda apellıatsııalyq sot vaınerlerge qatysty úkimdi ózgerissiz qaldyrdy.