Sottalǵan Sáken Musaıbekov jańa qyzmetke qalaı taǵaıyndaldy – Antıkor jaýaby
ASTANA. KAZINFORM — Sybaılas jemqorlyqqa qarsy is-qımyl agenttigi Sáken Musaıbekov «Barys» hokkeı komandasynyń bas dırektory qyzmetine taǵaıyndalýyna qatysty resmı túsinik berdi.
Aldymen Antıkor ókili Sáken Mýsaıbekovtyń alaıaqtyq jasaǵany úshin sottalǵanyn eske saldy. Biraq, ol kezde Qylmystyq kodekstiń 189-babynyń 4-bóligi (asa iri kólemde alaıaqtyq jasaý) sybaılas jemqorlyq baby bolyp sanalmaǵan.
— Qazir atalǵan 189-baptyń 4-bóligi sybaılas jemqorlyq sıpatyndaǵy qylmys qataryna jatady. Endi atalǵan bap boıynsha sottalǵan barlyq tulǵa memlekettik qyzmette, kvazımemlekettik sektorda jáne basqa da salalarda jumys isteý quqyǵynan ómir boıyna aıyrylady, — dep túsindirdi Antıkor ókili Danııar Bıgaıdarov vedomstvoda ótken baspasóz máslıhatynda.
Sondaı-aq agenttiktiń resmı ókili zańnama 2022 jyly Sybaılas jemqorlyqqa qarsy qyzmettiń bastamasymen engizilgen ózgeristerden keıin qabyldanǵanyn aıtty.
Aıta ketsek, Sáken Musaıbekov «Barys» hokkeı komandasynyń bas dırektory qyzmetine bıyl 18 maýsymda taǵaıyndaldy.
