Sottalǵan ózbekstandyqtar endi túrmede shet tilderi men IT mamandyqtardy meńgeredi
TAShKENT. KAZINFORM – Ózbekstan túrmelerinde jazasyn ótep jatqan jastar endi zamanaýı mamandyqtar men shet tilderin meńgeredi, dep habarlaıdy Kazinform agenttiginiń Tashkenttegi menshikti tilshisi.
Tıisti jarlyqqa prezıdent Shavkat Mırzıeev qol qoıdy. Qujatqa sáıkes, bıyl 1 maýsymynan Tashkent, Naýaı jáne Qashqadarııa oblystaryndaǵy túzetý mekemelerinde jastardy oqytý bastalady. 2027 jyldyń 1 naýryzynan bastap bul baǵdarlama eldiń basqa aımaqtarynda ornalasqan túrmelerge engiziledi.
Joba “Ikkınchı ımkon” (“Ekinshi múmkindik”) bastamasy aıasynda iske asady. Sottalǵandar 8-12 aı aralyǵynja aǵylshyn, qytaı, orys tilderin meńgerip, zamanaýı mamandyqtardy ıgeredi.
Oqýdy aıaqtaǵandarǵa sertıfıkat tabystalady. Kýrstarǵa aýyrlyǵy ortasha qylmys jasaǵan jastar iriktelip alynady.
Qosa ketsek, byltyr Ózbekstanda jeńgetaılyqpen aınalysqan 2 myńnan astam adam jazalandy.
Eske salaıyq, byltyr Ózbekstanda jemqorlyqqa barǵan 252 ákimdik qyzmetkeri qylmystyq jaýapqa tartyldy.
Munymen birge, 2025 jyly Ózbekstanda 5 myńnan astam sybaılas jemqorlyq qylmysy tirkeldi.
Sonymen qatar 2026 jyldyń alǵashqy eki aıynda Ózbekstannyń quqyq qorǵaý organdary 8 zerthanany anyqtap, 375 keli esirtki tárkiledi.
