Sottalǵan balasy úshin para bermek bolǵan aqtaýlyq áıel ustaldy

NUR-SULTAN. QazAqparat - Mańǵystaý oblysy QAJ departamenti probatsııa qyzmeti bóliminiń basshysyna para bermek bolǵan áıel ustaldy. Ol bul áreketke sottalǵan balasy úshin barǵan, dep habarlaıdy QazAqparat QR ІІM Qylmystyq-atqarý júıesi komıteti baspasóz qyzmetine silteme jasap.

Belgili bolǵandaı, áıel adam eseptegi balasynyń qoǵamdyq jumys jáne bostandyǵyn shekteý túrinde qylmystyqtyq jazany óteý shartyn jeńildetýge kómektesýi úshin para berý aryly probatsııa qyzmetiniń basshysyn kóndirmek bolǵan.

«Atalǵan fakti boıynsha sottalǵannyń anasyna qatysty Aqtaý qalasynyń quzyretti organdary sotqa deıingi tergeýdi júrgizýde», - delingen taratylǵan málimette.