Sottalǵan 19 azamat oblys prokýrory orynbasarynyń qabyldaýynda boldy
ASTANA. 31 naýryz. QazAqparat - Soltústik Qazaqstan oblysy prokýrorynyń orynbasary Serikbaı Erimbetov bas bostandyqtarynan aıyrylǵan azamattarǵa qabyldaý ótkizdi.
Qabyldaý ústimizdegi jylǵy naýryzdyń 28-i jáne 29-y kúnderi Petropavl qalasyndaǵy jalpy rejimdegi ES -164/3 jáne SQO Esil aýdany, Gornyı kentindegi erekshe rejimdegi ES - 164/4 túrmelerinde ótti.
S.Erimbetov barlyǵy 19 adamdy qabyldady. Qoıylǵan suraqtardyń deni túzetý mekemelerindegi jaǵdaılarǵa, shartty-merziminen buryn bosatýǵa jáne sot qaýlylarynyń zańdylyqtaryna qatysty boldy.
Sottalǵandardy sondaı-aq, qylmystardyń jekelegen túrlerin krımınalsyzdandyrýǵa qatysty zańnamalardyń jańa erejeleri qyzyqtyrdy.
Prokýratýra ókilderiniń mekemelerge sapary barysynda túrmedegi jaǵdaıǵa, tamaqtandyrý erejeleriniń saqtalýyna, medıtsınalyq qyzmet kórsetý jáne materıaldyq-turmystyq qamtamasyz etilýge erekshe nazar aýdaryldy.
