Sotta syrttaı qaralatyn ister sanyn barynsha azaıtýymyz kerek - Joǵarǵy sot tóraǵasy
ASTANA. 19 sáýir. QazAqparat - Azamattyq sot óndirisinde qaralatyn ister sany artýda. Bıylǵy jyldyń birinshi toqsanynda aıaqtalǵan azamattyq ister sany 14 paıyzǵa ósken.
Bul týraly búgin bıylǵy jyldyń birinshi toqsanynyń qorytyndysyna baılanysty jergilikti jáne ózge de sot ókilderimen bolǵan selektorlyq májiliste Joǵarǵy sot tóraǵasy Bektas Beknazarov málim etti.
Onyń aıtýynsha, atalǵan azamattyq isterdiń 37,7 paıyzy syrttaı qaralady. «Osy rette aıta ketetin másele - biz syrttaı qaralatyn ister sanyn barynsha azaıtýymyz kerek. Oblystyq jáne qalalyq sot tóraǵalaryna osy baǵytta tıisti jumystar júrgizip, múmkindiginshe sotta qaralatyn isterge taraptardyń barlyǵynyń qatysýlaryn qamtamasyz etýleri kerek»,- dedi Joǵarǵy sot tóraǵasy.
