Kýáger Perızat Qaırattyń anasyn úıqamaqta qaldyrýdy surady

ASTANA. KAZINFORM – Astanada qoǵam belsendisi Perızat Qaırat pen onyń anasy Ǵaını Alashbaevaǵa qatysty qylmystyq is boıynsha taraptardyń jaryssózi jalǵasyp jatyr.

- Men Gaza sektoryna kómekke qarjy jınaýdy uıymdastyrdym, barlyǵy 83 mıllıon teńge jınaldy. Men bul qarajattyń jumsalýy jóninde ashyq ári aıqyn esep alamyn dep úmittendim, biraq olaı bolmady. Ýaqyt óte kele Perızat Qaıratpen baılanys úzile bastady, kómek kórsetýdiń ornyna únsizdik pen syltaý ǵana aıtyldy. Al shyn máninde qaıyrymdylyqqa qatysy joq shyǵyndar anyqtalyp otyr, - deıdi sotta jábirlenýshi Oljas Sadyq.

Osylaısha, jábir kórýshi Perızat Qaırattyń áreketin moraldyq qylmys dep atady.

- Perızat Qaırattyń kinási dáleldendi dep esepteımin jáne prokýrordyń jazalaý sharasyna qatysty ótinishin qanaǵattandyrýdy suraımyn. Anasy Ǵanı Alashbaevaǵa óte qatty janym ashıdy. Onyń densaýlyǵynda kinárat baryn bilemin, osy oraıda aıyptalýshyny úıqamaqta qaldyrýdy suraımyn, - dep tolyqtyrdy kýáger.

Keshe prokýror Perızat Qaıratty 10 jyl, anasyn 8 jyl bas bostandyǵynan aıyrýdy surady. 

Sondaı-aq keshe sot otyrysynda Perızat Qaırat sotynda prokýror málimdeme jasady. 

Eske salaıyq, Perızat Qaırat isi boıynsha 47 adam jábirlenýshi dep tanyldy.