Sotta naqty eki sheshimniń bireýi ǵana qabyldanady - Bas prokýrordyń birinshi orynbasary
ASTANA. 18 jeltoqsan. QazAqparat - Qylmystyq kodekstiń qazirgi nusqasynan isti qosymsha tergeýge jiberýdi alyp tastaý qajet.
Búgin QR Prezıdenti janyndaǵy Otalyq kommýnıkatsııalar qyzmetinde ótken brıfıngte QR Bas prokýrorynyń birinshi orynbasary Iogan Merkel osyndaı pikir bildirdi.
«Biz osy saladaǵy jaǵdaıdy zerdelep shyqtyq. Sońǵy bes jyldyń ishinde 4,5 myń ret isti qosymsha tergeýge jiberý jóninde sheshim shyǵaryldy. Ondaıda tergeý amaldary qaıta bastalyp, kýágerler ekinshi ret sotqa shaqyrylady. Oǵan kóp adamdardyń kóńili tolmaıdy. Bizdińshe, qosymsha tergeýdi alyp tastaýdyń arqasynda sot qamaý nemese aqtaý boıynsha naqty eki sheshimniń bireýin qabyldaıdy. Árıne, tergeý kezinde keıde qandaı da bir olqylyqtar oryn alýy múmkin. Mundaı jaǵdaıda sottyń kináli azamatty aqtap shyǵýy da yqtımal. Alaıda bul jolmen barlyq damyǵan memleketter júrgen. Sol arqyly olar tergeýdiń sapasyn kóterdi», - deıdi I.Merkel.
Bas prokýrordyń orynbasary atap kórsetkendeı, Qylmystyq jáne Qylmystyq is júrgizý kodeksteriniń jańa nusqasyn 2015 jyly qoldanysqa engizý kózdelip otyr.
