Sotta qaralatyn isterdiń ádildigine shaǵymdanýshylar sany kemidi - Joǵarǵy sot tóraǵasy
ASTANA. Qarashanyń 18-i. QazAqparat /Aıdar Ospanalıev/ - Ádil sotty qamtamasyz etý joǵary deńgeıde júzege asyrylýda. Aǵymdaǵy jyldyń 9 aıynda azamattyq ister boıynsha qabyldanǵan sheshimderdiń 95 paıyzy, qylmystyq isterdiń 80 paıyzy jáne ákimshilik quqyq buzýshylyqtarǵa qatysty isterdiń 97 paıyzyna ne azamattar tarapynan ne prokýrorlar tarapynan shaǵym túsken joq.
Bul málimetterdi búgin Joǵarǵy sot tóraǵasy Musabek Álimbekov Astanada ótip jatqan Qazaqstan Respýblıkasy sýdıalarynyń V sezinde málim etti, dep habarlaıdy QazAqparat.
Onyń sózine qaraǵanda, sondaı-aq sotta qaralatyn isterdiń protsessýaldyq merzimderin buzý áreketteri de meılinshe kemip otyr. Aıtalyq 2005 jyly olardyń sany 311 bolsa, bıylǵy jyldyń 9 aıynda bul kórsetkish nebári 9 ǵana boldy.
