Qalǵyp ketip, qulap qaldy: sotta Gúlmıra Satybaldynyń týystary eskertý aldy

ALMATY. KAZINFORM – Almatyda Gúlmıra Satybaldyǵa qatysty sot protsesi jalǵasyp jatyr. Kýágerlerden jaýap alý kezinde aıyptalýshy tarap týystarynyń biri uıyqtap ketip, oryndyqtan qulap tústi. Sýdıa olarǵa eskertý jasady.

«Baur Kazakhstan» AQ qaýipsizdik qyzmetiniń basshysy Serik Muratbekovten jaýap alý kezinde oqys jaǵdaı boldy – aıyptalýshynyń týystarynyń biri qalǵyp ketip, oryndyqtan qulap tústi. Sot protsesi birneshe sekýndqa úzilip, sodan keıin jalǵasty.

Sondaı-aq taǵy bir kýágerden jaýap alý kezinde kásiporynnyń biriniń kadr bóliminiń bastyǵy Janar Erkitaev, zalda otyrǵan Satybaldanyń týystary jábirlenýshiniń advokaty Abaı Júnisovtiń suraqtaryna daýystap jaýap berdi.

«Keshirim suraımyn, qurmetti sot. Eskertý jasasyńyz: bireý uıyqtap, qulap ketedi - bul tártipti buzady. Ekinshisi pikir bildirip, ashýlanady. Olardy sot zalynan shyǵarýyńyzdy nemese eskertý jasaýyńyzdy suraımyn», - dedi advokat.

Sýdıa advokattyń pikirimen kelisip, bul týystaryna aıtylǵan ekinshi eskertý ekenin jetkizdi. Kelesi joly olardy sot zalynan shyǵaratynyn eskertti.

«Adamdar ózderine zııan keltiretinin túsinbeıdi. Meniń protsesim ashyq, men barlyǵyna qatysýǵa ruqsat etemin. Biraq bul tártipti buzýǵa bolady degendi bildirmeıdi. Úshinshi ret qorǵaýshydan aryz tússe, shara qoldanamyn. Meniń buǵan quqyǵym bar», – deıdi sýdıa Mártpek Kákimjanov.

Eske salaıyq, Almatynyń qylmystyq ister jónindegi mamandandyrylǵan aýdanaralyq sotynda Gúlmıra Satybaldyǵa qatysty sot otyrysy ótip jatyr. Onymen birge onyń kómekshisi ári júrgizýshisi Mádı Batyrshaev ta otyr.