Sotta alqabıdiń aýysýy Konstıtýtsııaǵa qanshalyqty saı ekeni tekseriledi
ASTANA. KAZINFORM — Konstıtýtsııalyq sot alqabılerdiń sot otyrysyna qatysý sharttarynyń Konstıtýtsııaǵa sáıkestigin tekseredi.
Konstıtýtsııalyq sot aldyn ala qaraý qorytyndysy boıynsha Qylmystyq-protsestik kodekstiń 645-babynyń tórtinshi jáne altynshy bólikteriniń Konstıtýtsııaǵa sáıkestigin tekserý týraly azamattyń ótinishin is júrgizýge qabyldady.
Daýly normalarǵa sáıkes, eger alqabılerdiń qaısybireýiniń sot otyrysyna qatysý múmkindiginiń joqtyǵy keńesý bólmesine ketkennen keıin anyqtalsa, onda sýdıa men alqabıler sot otyrysy zalyna kirip, alqabıdi qosalqy alqabımen aýystyrýǵa jáne qaıtadan keńesý bólmesine ketýge tıis.
Eger shyǵyp qalǵan alqabıdi qosalqy alqabımen aýystyrý múmkindigi bolmasa, tóraǵalyq etýshi ótken sot talqylaýyn jaramsyz dep jarııalaıdy jáne alqabıge kandıdattardy aldyn ala tańdaý kezeńine qaıtarady.
Alqabıdi shettetý tóraǵalyq etýshi taraptardyń qatysýymen júzege asady, bul týraly sot otyrysynyń hattamasynda jazba jasalady.
Konstıtýtsııaǵa sáıkestigin tekserýdiń barysy men qorytyndysy týraly aqparat Konstıtýtsııalyq sottyń resmı saıtynda jarııalanady.
