Bala zorlady dep jazyqsyz sottalǵan aqtóbelik 70 mln teńgege jýyq ótemaqy óndirip aldy
Qylmystyq kodekstiń «jas balalardy azǵyndyq jolǵa túsirý» babymen sottalyp, keıin aqtalyp shyqqan aqtóbelik moraldyq, múliktik jáne ókil kómegin óndirip aldy. Memleketten oǵan 70 mln teńgege jýyq aqsha berilýi tıis, dep habarlaıdy Kazinform.
Oqıǵa 2021 jyldyń naýryz aıynda bolǵan.
Aqtóbelik pen onyń azamattyq nekedegi kúıeýine Qylmystyq kodekstiń «jas balalardy azǵyndyq jolǵa túsirý» baby boıynsha aıyp taǵylyp, sottaldy.
Keıin eki sottalýshy da aqtalyp, moraldyq jáne múliktik zazaldy óndirýge aryz túsirdi.
Aqtóbe oblystyq soty azamattyq ister jónindegi sot alqasy Aqtóbe qalalyq sotynyń moraldyq jáne múliktik zııandy óndirý týraly sheshimin ózgertti.
- M. zańsyz qýdalanyp, qamaýda bir jyldan astam ýaqyt bolǵandyqtan moraldyq azap keshkenin negizge ala otyryp, 30 000 000 teńge moraldyq zııan jáne 59 844 344 teńge múliktik zııan óndirýdi surady. Birinshi satydaǵy sottyń sheshimimen talap ishinara qanaǵattandyrylyp, 7 mln teńge moraldyq, 43 015 417 teńge múliktik zııan jáne 4 000 000 teńge ókil kómegine jumsalǵan shyǵyn óndirildi. Sot alqasy talap qoıýshynyń zııanyn esepteý kezinde ınflıatsııa koeffıtsıentin qoldaný qajet degen tujyrymmen kelisti. Sonymen qatar, múliktik zııan esebine advokattyń jol júrý jáne turý shyǵyndary esepteldi. Osylaısha sot alqasynyń sheshimimen óndirýge jatatyn múliktik zııan mólsheri 54 186 557 teńgege, al ókil kómeginiń esebi 5 430 000 teńgege deıin kóbeıtildi. Sheshimniń qalǵan bóligi ózgerissiz qaldy. Apellıatsııalyq qaýly zańdy kúshine endi,- dep habarlady Aqtóbe oblystyq sotynyń baspasóz qyzmeti.
