Sotqa deıingi is júrgizý elektrondyq formatqa aýystyrylady - Nurdildá Oraz

Aıta keteıik, Іshki ister mınıstri Erlan Turǵymbaev vedomstvonyń qurylymdyq jáne aýmaqtyq bólimsheleriniń basshylarymen beınekonferentsbaılanys rejıminde jedel keńes ótkizdi, onda Prezıdent Qasym-Jomart Toqaevtyń Qazaqstan halqyna Joldaýyn sapaly jáne ýaqtyly iske asyrý úshin birqatar mindetterdi belgiledi.
«Jedel keńeste atap ótilgendeı, azamattardyń qaýipsizdigin qamtamasyz etý jáne memlekettik qyzmetterdi alý rásimderin jeńildetý boıynsha polıtsııa qyzmetiniń tıimdiligin arttyrý úshin tsıfrlandyrý jobalaryn jedel iske asyrýdy qamtamasyz etý qajet. Búginde memlekettik qyzmetterdiń 95%-y elektrondy formatta usynylady, nátıjesinde halyqpen tikeleı baılanys barynsha azaıtylyp, ákimshilik jáne sybaılas jemqorlyq táýekelderi joıylady. Budan basqa, ákimshilik jáne sotqa deıingi is júrgizý elektrondyq formatqa aýystyrylady. Azamattardyń zańdy quqyqtary men múddelerin tolyq jáne tıimdi iske asyrý úshin qylmystyq protsestiń úsh býyndy modeline kóshý máselesi erekshe baqylaýda tur», - dedi N. Oraz aptalyq onlaın brıfıngide.
Onyń atýynsha, keńeste adam quqyqtaryn qorǵaý, onyń ishinde qylmystyq-atqarý júıesi mekemelerinde jumys ІІM-niń turaqty baqylaýynda ekeni atap ótildi.
«Sottalǵandardyń quqyqtyq jaǵdaıy jaqsarýda, olardyń áleýmettik beıimdelýi úshin jaǵdaılar jaqsarýda, medıtsınalyq qyzmet kórsetý azamattyq densaýlyq saqtaý organdaryna berildi. Mınıstr keńes barysynda memlekettik organdar qyzmetiniń tıimdiligin baǵalaýdyń negizgi krıterııi – bul, eń aldymen, azamattardyń senimi ekenin erekshe atap ótti. Sondyqtan ishki ister organdaryndaǵy sybaılas jemqorlyq, tártip pen zańdylyqty buzý faktilerin joıý boıynsha qajetti sharalardy qabyldaý basty mindetterdiń biri bolyp sanalady. Qazir júrgizilip jatqan reformalar aıasynda negizgi mindetterdiń biri - qazaqstandyq polıtseıdiń jańa beınesin qalyptastyrý bolyp otyr. Kóp jaǵdaıda ony júzege asyrý vedomstvolyq oqý oryndarynyń nátıjelerine baılanysty. Osyǵan baılanysty vedomstvo bilim berý protsesiniń sapasyna jáne kásibı kadrlardy daıarlaýǵa nazar aýdarady. Bul faktor qazaqstandyq polıtseıdiń jańa kelbetin qalyptastyrýda sheshýshi ról atqarady», - dedi resmı ókil.