Sotheby's jáne Christie's aýktsıon úıleri tarıhtaǵy eń tabysty saýda-sattyq ótkizbek
ASTANA. 29 sáýir. QazAqparat - Sotheby's jáne Christie's aýktsıon úıleri tarıhtaǵy eń tabysty saýda-sattyq ótkizýge ázirlenýde, dep habarlady Lenta.rý.
Sotheby's keminde shırek mıllıard dollar oljaǵa kenelmek. Aýktsıonnyń injý-marjany - norveg sýretshisi Edvard Mýnktyń «Aıqaı-shý» tsıklyndaǵy kartınasy. Onń jaqtaýynda avtordyń qoltańbasy bar. Baǵalaý quny - 80 mıllıon dollar. Onyń ıesi - kásipker. Kezinde ákesi Mýnkpen dostyq baılanysta bolǵan. Endi ol aýktsıonnan túsken tabysqa sýretshiniń murajaıyn ashý nıetinde.
Al Christie's qyzmetkerleri ımpressıonıster jumysynyń baı jıyntyǵyn saýdaǵa shyǵarǵaly otyr. Pol Sezannyń «Karta oınaýshylar» serııasyndaǵy jumystaryn ónersúıer qaýym HH ǵasyrdyń ortasynan beri kórmegen. Ondaǵan jyldar boıy bul kartına jeke kollektsııalarda saqtalyp kelgen, tipti bilem deýshilerdiń ózi polotno ıesi satý nıetin jarııalaǵansha onyń bar ekenin bilmepti. Endi akvarelmen salynǵan sýret 20 mıllıon dollarǵa baǵalanyp otyr.
