Sotheby's eń iri qyzǵylt tústi brıllıantty saýdaǵa shyǵarady
ASTANA. 26 qyrkúıek. QazAqparat - Sotheby's eń iri qyzǵylt tústi brıllıantty 13 qarashada Jenevadaǵy bássaýdaǵa shyǵarady, dep habarlady Orys jańalyqtar qyzmeti.
Pink Star dep atalatyn qymbat asyl tas 59,5 karattan astam salmaq tartady. Ol álemdegi eń iri qyzǵylt brıllıant dep sanalady. Pink Star alǵash ret 2003 jyly Monakoda kórmege qoıylǵan bolatyn. 2007 jyldan beri ol jeke kollektsııada boldy.
Bloomberg agenttiginiń málimetterine qaraǵanda, brıllıanttyń kútilip otyrǵan bási - 60 mıllıon dollar bolmaq.. Eger saýda oıdaǵydaı ótse, ol bássaýdada satyp alynǵan eń qymbat asyl tas bolmaq.
Ázirge 2010 jyly Sotheby's bássaýdasynda 46 mıllıon 200 myń dollarǵa satylǵan 24,78 karattyq Graff Pink qyzǵylt bbrıllıanty rekordtyq kórsetkish bolyp otyr.
