«Sotbıs» aýktsıonynda dınozavrlardyń súıekteri rekord ornatty
ASTANA. Qazannyń 6-sy. QazAqparat - Seısenbi kúni Parıjde qtken londondyq «Sotbıs» saýda úıiniń aýktsıonynda satylymǵa shyǵarylǵan dınozavrlardyń súıekteri rekord ornatty.
Aýktsıonǵa 4 myńdaı arheologııa jáne jaratylystaný ǵylymdarynyń áýesqoılary keldi, dep habarlaıdy ITAR-TASS agenttigi.
Atap aıtqanda, gollıvýdtyq blokbasterlerge prototıp bolyp júrgen kesirtke tárizdes jyrtqysh dınozavr - allozavrdyń analyǵynyń súıegi 1,3 mıllıon eýroǵa satyldy. Bul sońǵy 15 jyldaǵy absolıýttik rekord, deıdi sarapshylar. Uzyndyǵy 10 metrden asatyn arheologııalyq jádigerdi anonımdi eýropalyq kollektsıoner satyp alǵan.
Al Sibirden tabylǵan júndi múıiztumsyqtyń súıegi úshin frantsýzdyq kollektsıonerlerdiń biri 97 myń eýrony sanap bergen. Jáne álgi metsenat bul jádigerdi Parıjdegi Paleontologııalyq ınstıtýtqa tartý etpek nıetin málim etken.
